Често, децата со аутизам во домот самите се послужуваат со се што имаат потреба без да влегуваат во комуникација со домашните. Понекогаш, можеби ќе посакаат одреден предмет кој не е во нивното видно поле и заради тоа можат да бидат вознемирени. Исто така, кога станува збор за облеката, можеби денес сакаат да облечат нешто кое го виделе во фиоката, но тоа во моментов е во пералната. Затоа потребно е од најмала возраст да ги научиме на комуникација. Доколку немаат развиен орален говор тогаш тоа го правиме со визуелна поддршка или со знаковен јазик.