Овој настан имаше за цел да ја подигне свесноста за посоодветно образование и подготовка на лицата со аутизам за рамноправно учество на пазарот на трудот и потребата од вклучување во спортски активности кои се многу значајни за одржување на физичкото и психичкото здравје.

Во текот на овој ден здружението „Сина светулка“ беше застапено со три видео прилози: во ТВ Алфа, ТВ Сител, додека турската агенција Анадолија направи посебен прилог за овој настан.

Покрај видео прилозите, нашата активност беше покриена со голем број објави во македонските интернет портали.

Во услови на пандемија сите се соочуваме со предизвици а посебно децата со аутизам, нивните семејства и сите професионалци кои работат со оваа проблемтика.

Во процесот на градење на нашето инклузивно општество сите ние активно учествуваме, но децата со аутизам се најголемите борци кои го прават патот за сите нас за подобра иднина.