Користејќи иновативен „начин на учење насочен кон детето“, музичките активности вклучуваат пеење, ритам, свирење на различни инструменти, движење, танцување и комуникациски активности. Ваквиот пристап има за цел да им помогне на децата со доцнење и пречки во развојот во наставниот процес.

Од 17-21 март 2025 година во Никозија, Кипар се одржа обука за проектот Autismusic и негова имплементција во образовниот систем. На обуката учествуваа наставници од РС Македонија, Кипар, Полска и Португалија.

Главната цел на оваа обука беше презентирање и практична примена на сите алатки и содржини од платформата autismusic.eu

Оваа платформа претставува сеопфатен ресурс наменет за работа со ученици со ASD.

Во следната фаза треба да следи презентација и обучување на наставници со цел имплементација на оваа платформа во образовниот систем на РС Македонија.

Цврсто веруваме дека оваа платформа и нејзина упореба од страна на наставниците во нашата земја ќе допринесе за подобрување на емоциите, мотивацијата, интерперсоналните и социјалните реакции кај децата со аутизам.