Главната цел на проектот претставува развој на вештини за подготовка за училиште на децата со нарушување од спектарот на аутизам, со цел подобрување на квалитетот на нивното образование, а со тоа и квалитетот на живеење, како и нивно соодветно вклучување во редовниот образовен систем. За остварување на оваа цел како дел од проектот беа вклучени четири деца со аутизам, кои во септември оваа година започнаа во прво одделение и нивните родители. Проектот започна со интервјуа со родителите на децата и проценка на самите деца.  Во текот на летниот период  интензивно се работеше со самите деца, индивидуално и во мала група, користејќи го методот за работа ABA (Applied Behavior Analysis), со фокус на оние социјални и едукативни вештини кои самите деца треба да ги стекнат пред започнување во основното образование.

За успешноста на проектот одговорни за реализација на оваа активност беа сертифициран АБА терапевт од Америка, која беше одговорна за проценка на децата, одредување на целите за работа, следење на напредокот и мерење на научените вештини, бидејќи има 8 годишно искуство во применување во методот како и дипломиран специјален едукатор и рехабилитатор, која под менторство и постојан надзор ги реализираше поставените цели и практично го применуваше ABA методот.

Следната фаза на проектот вклучува соработка со самите училишта каде овие четири деца ќе го започнат нивното основно образование, преку наша поддршка на децата во училиште и организација на обука наменета за нивните родители, наставници и асистенти.

Се надеваме дека нашиот труд, добрата соработка so родителите и училиштата ќе даде успешни резултати во вклучувањето на децата во училишната средина.

Поврзана вест:

април 13, 2022

Град Скопје со силна поддршка за нашиот нов проект

повеќе