И покрај тоа што обуката беше предвидена за 10 наставници, присуствуваа 30 наставници од цела Македонија. На почеток, беа запознаени со целта и резултатите на проектот, со платформата за онлајн учење, како и со основните информации за карактеристиките на децата со аутизам и предизвиците во наставата по физичко образование од страна на Доц. д-р Јасмина Трошанска. Потоа, практичните активности беа водени од Проф-д-р Андријана Зафировска и Марина Пешиќ.

Тренингот помина во одлична атмосфера, а евалуацијата ни покажа дека наставниците по физичко и здравствено образование за прв пат посетуваат обука која е практична и соодветна на нивните потреби.

Наставниците покажаа интерес за уште поинтензивна и подетална обука во областа на комуникација со децата со аутизам и работа на социјалните вештини со цел постигнување на поголема инклузивност на децата на  нивните часови.

Се надеваме дека во иднина ќе продолжиме со соработката и ќе влијаеме на подобрување на квалитетот на образованието на децата со аутизам во Македонија.