На 3 и 4 Април во Скопје се одржаа два едукативни настани во рамките на активностите на нашето здружение по повод неделата на аутизмот.

На 3 Април, Рон Фортуна и Ангела Капер во просториите на Граѓански ресурсен центар одржаа семинар на тема „Стратегии за поддршка и справување со предизвикувачко однесување во редовните училишта” на кој присуствуваа наставници, асистенти, сегашни и идни специјални едукатори и рехабилитатори. Семинарот помина во одлична атмосфера при што беа давани голем број на практични примери, беа поставувани голем број на прашања а се споделија исто така и материјали и најнова литература за поддршка на работата со учениците со нарушувања од спектарот на аутизам.

На 4 април во просториите на здружението се одржа консултативен и интерактивен тренинг со родители на кој се разменија голем број на искуства и се дадоа совети на родителите.