Состанокот организиран од Escola B1PERancho e Caldeira во улога на домаќин и WSBINOZ – Полска, во улога на координатор на проектот, претставуваше значаен чекор во спроведувањето на проектните активности.

Се собраа претставници од партнерските организации од Полска, Португалија, Кипар и Македонија, со цел да се проценат постигнатите резултати и да се планираат идните чекори. Се дискутираше за развојот на наставниот пакет за AutisMUSIC, како и за одржливоста и квалитетот на проектот, по што состанокот заврши со резиме на резултатите.

Состанокот резултираше со:

• Прецизно дефинирани задачи за развој на наставниот пакет за настава по музичко за ученици со АСД.
• Напредок во развојот на е-училишната платформа за настава по музичко.
• Оценка и план за подобрување на квалитетот и одржливоста на проектот.

Искрено се заблагодаруваме на Escola B1PERancho e Caldeira за одличната организација и гостопримство. Продолжуваме со заеднички сили да ги реализираме нашите цели за подобра инклузија преку музиката.