Низ различни активности учениците од училиштето заедно со нивните наставници, директорот и стручната служба под координација на специјалниот едукатор и рехабилитатор  Елена Панова, го одбележаа светскиот ден за подигнување на свеста за аутизмот.  Преку сините балони, но и со личен печат од детските дланки, испративме порака за поддршка на лицата со аутистичен спектар на нарушување, со надеж дека ќе создадеме подобар инклузивен свет за овие лица и нивните семејства. Да обоиме со сино, да допреме до срцата на сите деца во светот, да изградиме подобра иднина за децата со аутизам. Да направиме поубаво општество за сите.