„Здраво! Јас сум родител на девојче во спектарот кое има 10 години, а веќе неколку години посетуваме индивидуални третмани во здружението Сина Светулка. Специјалните едукатори секогаш на иновативен и префериран начин на комуникација на детето ги спроведуваат вежбите како би имале најдобар можен резултат. На дел од третманите се користеше методот за работа АВА со цел подготовка за училиште, со што многу полесно детето ги надмина тешкотиите и самата транзиција од предучилиште во училиште. Многу полесно девојчето се надоврза со материјалите кои се обработуваа по училишната програма. На дел од третманите се користеше VR, со кој на поинаков начин слободно можеше да истражува нови ситуации и да е дел од нови сценарија во виртуелен свет. Ние сме задоволни од досега постигнатиот напредок кај мојата ќерка.”

„Искрена благодарност за неверојатната поддршка и посветеност што ја даваат кон нашето семејство. Уште од првата сесија со нашиот специјален едукатор се чувствуваме добредојдени и разбрани. Персонализираните стратегии, прилагодените активности, трпението, експертизата и вистинската грижа од страна на тимот имаат значително влијание врз развојот на мојот син. Неговиот напредок без разлика колку е мал, го исполнува моето срце со надеж и радост.”

„Сина Светулка ни беше од голема помош за нашиот син. Нивниот пристап, кој е различен од пристапите на другите терапевти со кои сме работеле, е модерен, особено битно е што не се работи со детето исклучиво зад затворени врати и веќе се забележуваат промени кај нашиот син. Посебно сме задоволни затоа што одвојуваат значително време за да ни објаснат како и ние да ги применуваме практично овие методи во нашиот дом за што подобри и побрзи резултати. Дефинитивно ја препорачуваме Сина Светулка!”

„Јас сум мајка на дете со аутизам. Во 2020 година кога заради пандемијата се беше затворено, најголем страв ми беше дека мојот син во недостаток на социјална интеракција ќе го заборави и тоа што го знае. Тој период кај мојот син имаше регрес. Ниту еден дефектолог или логопед не прифаќаше средба за вежби, освен on-line часови. Е тука кога мислев дека тонам заедно со моето дете, ја запознав Јасмина. Без размислување прифати да работи со мојот син. Нема да згрешам ако кажам дека се што знае он, знае благодарение на Јасмина. За разлика од сите други стручни лица кои работеле со него, Јасмина е единствената која ми имаше предложено да седам на вежби со моето дете. Е тоа е бесценето, додека стручњак работи со твоето дете, ти можеш да гледаш и да учиш како да му помогнеш на детето а воедно да си помогнеш на самата себе.