Дијагностика
Нашата организација врши сеопфатна дијагностика и план за интервенција за деца, за кои постои сомневање дека се во спектарот на аутизам со примена на ADOS-2 и ADI-R
Дијагностиката ја врши Доц. д-р Јасмина Трошанска
за
доц. д-р Јасмина Трошанска
Доц. д-р Јасмина Трошанска е доктор на науки по специјална едукација и рехабилитација, реномиран специјален едукатор и рехабилитатор со повеќе од 20 години искуство во областа на нарушувања од спектарот на аутизам (НСА), и тоа во образование, индивидуална поддршка, обука на професионалци и родители.
Денес таа е универзитетски професор и нејзина специјализација е обезбедување на сеопфатни дијагностички проценки за лица од сите возрасти, користејќи ги најдоверливите и валидирани алатки за проценка.
Експертиза
ADOS и ADI-R
Доц. д-р Трошанска е високо квалификувана во администрирање на Autism Diagnostic Observation Schedule (ADOS) и Autism Diagnostic Interview-Revised (ADI-R). Овие алатки се сметаат за златен стандард за дијагноза на аутизам и овозможуваат детално разбирање на функционирањето на поединецот во однос на социјалните вештини, вештините на комуникација и однесувањето.
- ADOS: Оваа опсервациона проценка вклучува структурирани и полуструктурирани задачи кои и овозможуваат на доц. д-р Трошанска да ги набљудува социјалните и комуникативните однесувања поврзани со аутизмот. Таа е приспособлива на различни возрасни групи и развојни нивоа, обезбедувајќи точна и детална дијагноза.
- ADI-R: Ова сеопфатно интервју се спроведува со родител/старател и во предвид ги зема историјата на развојот на поединецот, тековното однесување и целокупното функционирање. Со ADI-R се обезбедуваат значајни сознанија за раниот детски развој и за однесувањето.
Доц. д-р Трошанска е специјализирана и сертифицирана за користење најдоверливите и валидирани алатки за дијагностички проценки на лица за кои постои сомневање дека се наоѓаат во аутистичниот спектар.
пристап
Персонализиран пристап и грижа за личноста
Д-р Трошанска смета дека секое лице со аутизам е уникатно. Поради тоа, таа користи персонализиран пристап во секоја проценка, со темелен пристап кон секој аспект на развојот и однесувањето на поединецот. Нејзината цел е да обезбеди јасна и точна дијагноза која може да води до ефективни стратегии за интервенција и поддршка.
искуство и начин на работа
Зошто да ја изберете д-р Јасмина Трошанска?
- Искуство и квалификации: Земајќи го во предвид нејзиното долгогодишно искуство, познавањето на практичната работа и теоретското познавање на најновите информации, заедно со обуката и сертификацијата во ADOS и ADI-R, д-р Трошанска е препознаена и докажана по својата експертиза во областа.
- Холистички пристап: Таа ги разгледува сите аспекти на животот на поединецот, вклучувајќи медицински, психолошки и социјални фактори, за да обезбеди сеопфатна дијагноза.
Информации
за спроведувањето на процедурите на проценка и дијагностика
Проценката се спроведува за дијагностички цели или за оценување на јаките и слабите страни на лицето со или без формална дијагноза на нарушувања од спектарот на аутизам.
Закажувате и присуствувате на прва средба. Со д-р Трошанска ќе разговарате за вашата загриженост при што ќе ги споделите причините заради кои сакате да направите проценка. Доколку имате потреба од дијагностика на Вашето дете, по телефон ќе бидете известени дали на првата средба треба да присуствува и детето.
Консултативната средба се наплаќа и трае 2-3 часа. После таа сесија добивате писмен извештај со препораки во период од 10 дена после средбата. Доколку одлучите да извршите понатамошна проценка, овие средства ќе ви бидат одбиени од вкупната сума која ќе треба да ја платите.
Проценките се вршат на македонски и на англиски јазик.